چونیاں میں انسانیت کو جھنجھوڑ دینے والا افسوسناک واقعہ پیش آیاجہاں مبینہ طور پر فصل میں داخل ہونے پر ایک بے زبان بھینس کی ٹانگیں کاٹ دی گئیں۔چونیاں کے علاقے کوٹ گاما میں راستے سے گزرتے ہوئے ایک بھینس مبینہ طور پر محمد خوشی کی فصل میں داخل ہوگئی۔
جس پر بھینس کے مالک محمد طارق نے الزام عائد کیا ہے کہ بااثر افراد نے طیش میں آکر بے زبان جانور پر تشدد کیا اور اس کی ٹانگیں کاٹ دیں۔ افسوسناک واقعے پر اہل علاقہ میں شدید غم و غصہ پایا جاتا ہے۔ شہریوں نے اعلیٰ حکام سے واقعے کا فوری نوٹس لینے اور ڈی پی او قصور سے شفاف تحقیقات کرکے ذمہ داروں کے خلاف قانونی کارروائی کا مطالبہ کیا ہے۔





