پاکستان کرکٹ بورڈ اور پاکستان سپر لیگ کی آٹھوں فرنچائزز کے مالکان نے اگلے سال پی ایس ایل کو جنوری میں منعقد کرنے کی تجویز پر غور شروع کردیا۔
کرکٹ ویب سائٹ کرک انفو کے مطابق لندن میں پی ایس ایل گورننگ کونسل کے اجلاس میں لیگ کے اگلے ایڈیشن سے متعلق مختلف امور پر تبادلہ خیال کیا گیا۔
رپورٹ کےمطابق اپریل اورمئی میں محدود اشتہاری آمدنی کےخدشات کے باعث پی ایس ایل کو جنوری میں منتقل کرنے کی تجویز سامنے آئی ہے۔
فرنچائزمالکان نےاس خدشےکااظہارکیاکہ ٹورنامنٹ کسی بھی وقت ہو،کیا انہیں براڈکاسٹ آمدنی میں اپنا مکمل حصہ مل سکےگا؟ٹی وی رائٹس سےتوقعات کےمطابق آمدنی نہ ملنے کےباعث اشتہاری آمدنی پر بھی سوالات اٹھائے گئے ہیں۔
موجودہ معاہدے کے تحت تمام فرنچائزز کو مرکزی ریونیو پول سے حاصل ہونے والی براڈکاسٹ آمدنی کا 95 فیصد حصہ ملتا ہے۔