پشاور میں بڈھ بیر زنگلی کے مقام پر دو فلائنگ کوچز دیوار سے ٹکرا گئیں.
ریسکیو1122 کے مطابق ریسکیو 1122 پشاور کنٹرول روم کو اطلاع موصول ہوتے ہی فوری طور پر میڈیکل ٹیمیں اور ایمبولینسز جائے حادثہ کی جانب روانہ کر دی گئیں۔ریسکیو1122 اہلکاروں نے موقع پر پہنچ کر منظم اور پیشہ وارانہ طریقے سے امدادی کارروائیاں شروع کیں۔
ریسکیو 1122 نے تمام زخمیوں کو نکال کر انہیں ابتدائی طبی امداد فراہم کی۔ ٹریفک حادثے کے نتیجے میں 06 افراد کو نکالا گیا جن میں 1 لڑکا موقع پر جاں بحق جبکہ 5 افراد زخمی ہوئے۔
تمام زخمیوں کو ابتدائی طبی امداد فراہم کرنے کے بعد لیڈی ریڈنگ ہسپتال منتقل کر دیا گیا، تمام افراد کی شناخت درجہ ذیل ناموں سے ہوئی۔
جاں بحق ہونے والا احمد عمر 12 سال کا تھا جبکہ زخمیوں میں قدرت اللہ (عمر: 40 سال)، فرہاد (عمر: 35 سال)، محمد (عمر: ڈیڑھ سال)، مسماۃ ش (عمر: 30 سال)، مسماۃ ع (عمر: 28 سال) ہے۔
Leave feedback about this