ریاضی کے اس دلچسپ سوال کا جواب دے سکتے ہیں؟

کیا آپ کو انٹرنیٹ پر سامنے آنے والی پہلیوں کا جواب دینا پسند ہے، خاص طور پر ریاضی کے معمے حل کرنا؟

اگر ہاں تو اوپر موجود تصویر میں چھپا سوال ذہنی آزمائش کے لیے بہترین ثابت ہوگا۔

اوپر موجود تصویر کو دیکھیں اور بتائیں کہ اس میں دوسری قطار کے درمیان موجود سوالیہ نشانات کی جگہ کونسا نمبر آئے گا؟

جیسا آپ دیکھ سکتے ہیں کہ سب سے اوپر موجود قطار میں 83، 11 اور 2 موجود ہے۔

اس کے نیچے میں قطار میں 79، ؟؟ اور 7 دیا گیا ہے جبکہ آخری قطار میں 68، 14 اور 5 موجود ہے۔

تو آپ کو یہی بتانا ہے کہ کونسا نمبر سوالیہ نشان کی جگہ آئے گا۔

ویسے آپ کو گمشدہ نمبر کا اندازہ لگانے کے لیے یہ تعین کرنا ہوگا کہ نمبروں کا پیٹرن کس طرح ایک دوسرے سے جڑا ہوا ہے۔

کیا اب بھی آپ سوال کا جواب دینے سے قاصر ہیں؟

اگر ہاں تو چلیں ہم ہی جواب دے دیتے ہیں۔

اس کے لیے آپ کو ہر قطار کے نمبروں کو جمع کرنا ہوگا۔

یعنی پہلی قطار کے پہلے نمبر 83 میں سے 8 + 3 کو جمع کرنے پر دوسرے خانے میں 11 آئے گا، جس کے بعد 1 + 1 جمع کرنے پر پہلی قطار کے تیسرے خانے میں 2 آجائے گا۔

تیسرے قطار میں بھی 6 + 8 کا مجموعہ 14 اور 1 + 4 کو جمع کرنے پر آخر میں 5 آئے گا۔

اسی کو مدنظر رکھا جائے تو دوسری قطار میں پہلے 7 + 9 کو جمع کیا جائے گا اور سوالیہ نشان کی جگہ 16 آئے گا، جس میں سے 1 + 6 کو جمع کرنے پر آخر میں 7 آئے گا۔

تو سوالیہ نشان کی جگہ 16 آئے گا اور یہی اس سوال کا جواب ہے۔