پشاور: 9 مئی ریڈیو پاکستان حملہ کیس میں انسدادِ دہشت گردی عدالت نے سہیل آفریدی اور عامر چمکنی کے دوبارہ وارنٹ گرفتاری جاری کر دیے۔کیس کی سماعت انسدادِ دہشت گردی عدالت کے جج ولی محمد خان نے کی، اس موقع پر تفتیشی افسر بھی عدالت میں پیش ہوئے، کیس میں سہیل آفریدی، تیمور سلیم جھگڑا، کامران بنگش، عرفان سلیم اور عامر چمکنی نامزد ہیں۔
دوسری جانب تیمور سلیم جھگڑا، کامران بنگش اور عرفان سلیم کی جانب سے ضمانت قبل از گرفتاری کی درخواستیں دائر کی گئی ہیں۔عدالت نے کامران بنگش، تیمور سلیم جھگڑا اور عرفان سلیم کی عبوری ضمانت میں 17 نومبر تک توسیع کر دی۔کیس کی مزید سماعت آئندہ تاریخ پر ہوگی۔