عالمی منڈی میں خام تیل کی قیمتوں میں اضافہ ریکارڈ کیا گیا ہے جس کے بعد برینٹ خام تیل کی قیمت 115 ڈالر فی بیرل سے تجاوز کرگئی۔بدھ کے روز عالمی تجارت کے دوران برینٹ کروڈ فیوچرز کی قیمت میں 1.48 ڈالر، یعنی 1.3 فیصد اضافہ ہوا، جس کے بعد یہ قیمت 115.36 ڈالر فی بیرل تک پہنچ گئی۔
اسی طرح امریکی خام تیل ویسٹ ٹیکساس انٹرمیڈیٹ کے نرخوں میں بھی اضافہ دیکھا گیا۔ اس کی قیمت 1.22 ڈالر، یعنی 1.22 فیصد بڑھ کر 101.12 ڈالر فی بیرل ہوگئی۔خام تیل کی قیمتوں میں اضافے سے عالمی توانائی کی منڈی میں قیمتوں کے رجحان پر توجہ بڑھ گئی ہے۔