ہماری جدوجہد قومی آزادی اور انصاف پر مبنی نظام کے قیام کیلئے ہے عنصر لیاقت

جموں کشمیرنیشنل سٹوڈنٹس فیڈریشن عوام کی امنگوں کا ترجمان بن کر میدان عمل میں ہے تا کہ کشمیری قوم کو ایک آزاد شناخت اور باوقار مستقبل دیا جا سکے
غلامی کسی صورت قبول نہیں کرینگے جموں کشمیرنیشنل سٹوڈنٹس فیڈریشن ان کی امیدوں اور خوابوں کی تکمیل کے لیے اپنی جدو جہد جاری رکھے گا
عالمی برادری کشمیری عوام کے حق خود ارادیت کی جدو جہد کو تسلیم کریں اور اس دیرینہ مسئلے کے منصفانہ حل میں اپنا کردار ادا کریں
جموں کشمیرنیشنل سٹوڈنٹس فیڈریشن کے ممبر نے اپنے ایک بیان میں کہا ہے کہ جموں کشمیرنیشنل سٹوڈنٹس فیڈریشن کی جدو جہد ریاست جموں و کشمیر کی قومی آزادی مکمل خود مختاری اور انصاف پر مبنی ایک نئے سیاسی و سماجی نظام کے قیام کے لیے ہے۔ انہوں نے کہا کہ کشمیری عوام طویل عرصہ سے غلامی، جبر اور نا انصافی کا شکار ہیں اور دنیا کی بڑی طاقتوں کی بے حسی نے اس المیے کو مزید گہرا کیا ہے۔ ایسے حالات میں جموں کشمیرنیشنل سٹوڈنٹس فیڈریشن عوام کی امنگوں کا ترجمان بن کر میدان عمل میں ہے تا کہ کشمیری قوم کو ایک آزاد شناخت اور باوقار مستقبل دیا جا سکے۔ اور عنصر لیاقت نے کہا کہ ہماری تحریک محض نعرہ بازی تک محدود نہیں بلکہ یہ ایک منظم سنجیدہ اور عوامی تحریک ہے جس کی بنیاد قربانی اتحاد اور استقامت پر ہے۔ انہوں نے واضح کیا کہ جموں و کشمیر کے عوام کسی بھی صورت غلامی کو قبول کرنے کے لیے تیار نہیں ہیں اور جموں کشمیرنیشنل سٹوڈنٹس فیڈریشن ان کی امیدوں اور خوابوں کی تکمیل کے لیے اپنی جد و جہد جاری رکھے گا۔