Roze News

بھارت: ڈی جے کے تیز آواز میں موسیقی بجانے پر 20 روزہ نومولود جان کی بازی ہار گئی

بھارت: ڈی جے کے تیز آواز میں موسیقی بجانے پر 20 روزہ نومولود جان کی بازی ہار گئی

تازہ خبروں اور اہم اپڈیٹس کیلئے ہمارا وٹس ایپ چینل جوائن کریں۔

بھارت میں مذہبی جلوس کے دوران تیز آواز میں موسیقی بجنے کے بعد 20 روزہ نومولود بچی کی پراسرار موت کا واقعہ سامنے آیا ہے۔

بھارتی میڈیا کے مطابق یہ واقعہ ریاست اترپردیش کے ضلع بلیا کے گاؤں مدیاری میں پیش آیا جہاں بت کے وسرجن کے لیے نکالے گئے جلوس میں بلند آواز میں موسیقی چلائی جا رہی تھی۔

پولیس کے مطابق جلوس کے گزرنے کے وقت نومولود بچی اپنی والدہ ریما شاہ کے پاس سو رہی تھی، تاہم کچھ دیر بعد والدہ نے دیکھا کہ بچی کوئی حرکت نہیں کر رہی۔

اہلخانہ فوری طور پر بچی کو اسپتال لے گئے جہاں ڈاکٹروں نے اسے مردہ قرار دے دیا۔ متاثرہ خاندان نے خدشہ ظاہر کیا ہے کہ ڈی جے کی انتہائی تیز آواز بچی کی موت کا سبب بنی۔

پولیس نے واقعے کا نوٹس لیتے ہوئے ڈی جے کا سامان قبضے میں لے لیا جبکہ موت کی اصل وجہ معلوم کرنے کے لیے بچی کی لاش پوسٹ مارٹم کے لیے بھجوا دی گئی ہے۔

تاحال تیز موسیقی اور بچی کی موت کے درمیان کوئی طبی تعلق ثابت نہیں ہوا۔