سونا فی تولہ ہزاروں روپے مہنگا،نئی چونکا دینے والی قیمت سامنے آ گئی

پاکستان کی مقامی صرافہ مارکیٹس میں سونے اور چاندی کی قیمتوں میں نمایاں اضافے کا رجحان دیکھا گیا ہے جہاں ایک تولہ سونا 4 ہزار 300مہنگا ہوگیا ہے۔

آل پاکستان صرافہ جیمز اینڈ جیولرز ایسوسی ایشن کی جانب سے جاری کردہ تازہ نرخ کے مطابق 24 قیراط کا حامل فی تولہ سونا 4 ہزار 300روپے اضافے سے 4 لاکھ 41 ہزار 636 روپے فی تولہ کی سطح پر پہنچ گیا۔

نرخ نامے کے مطابق 24 قیراط سونے کے 10 گرام کی قیمت میں 3 ہزار 686 روپے کا اضافہ ریکارڈ کیا گیا جس کے بعد نئی قیمت 3 لاکھ 78 ہزار 631 روپے ہوگئی۔

اسی طرح 22 قیراط سونے کے 10 گرام کی قیمت 3 ہزار 379 روپے بڑھ کر 3 لاکھ 47 ہزار 91 روپے ہوگئی۔

مقامی صرافہ بازار میں 24 قیراط چاندی کی فی تولہ قیمت 20 روپے اضافے کے بعد 6 ہزار 578 روپے ہوگئی جبکہ 10 گرام چاندی کی قیمت 17 روپے بڑھ کر 5 ہزار 639 روپے ریکارڈ کی گئی۔

دوسری جانب عالمی مارکیٹ میں بھی قیمتی دھاتوں کی قیمتوں میں اضافہ دیکھا گیا جہاں فی اونس سونا 43 ڈالر اضافے سے 4 ہزار 191 ڈالر جبکہ چاندی کی قیمت میں 20 سینٹ کا اضافہ ہوا جس کے بعد اس کی قیمت 61 ڈالر فی اونس ریکارڈ کی گئی۔