گڈی اُڑانے کیلئے لاہور میں موجود ہوں، مگر 8 فروری کو کوئی احتجاج ہوتا نظر نہیں آ رہا، شیر افضل مروت

رکن قومی اسمبلی شیر افضل مروت نے 8 فروری کے ممکنہ احتجاج کے حوالے سے کھلا اور سسپنس بھرا موقف اختیار کیا ہے، اور کہا ہے کہ موجودہ حالات میں انہیں کوئی مؤثر احتجاج ہوتا نظر نہیں آ رہا۔

شیر افضل مروت نے واضح کیا کہ 8 فروری کو ممکنہ احتجاج کامیاب نہیں ہوگا کیونکہ جن لوگوں نے پارٹی کو حصار میں لے رکھا ہے، انہوں نے عمران خان اور پارٹی کو فیل کر دیا ہے۔ انہوں نے کہا، “8 فروری کا احتجاج سستی کی نذر ہو جائے گا، عوام اور کارکنان کی دلچسپی نہ ہونے کی وجہ سے یہ مؤثر ثابت نہیں ہوگا۔”

آخر میں شیر افضل مروت نے بتایا کہ وہ خود لاہور میں موجود ہیں اور اپنی موجودگی کا مقصد صرف “گڈی اڑانے” کا ہے، جس سے ظاہر ہوتا ہے کہ ان کا فوکس احتجاج کی بجائے عوامی شرکت اور سرگرمیوں پر ہے۔

یہ موقف اس وقت سامنے آیا ہے جب سیاسی محاذ پر 8 فروری کے احتجاج کی تیاریوں اور پارٹی اندرونی کشمکش پر تنقید جاری ہے، اور شیر افضل مروت نے کھل کر اس صورتحال پر روشنی ڈالی ہے۔