گوادر میں کام کرنے والی ایک چینی کمپنی نے اپنے لائیو اسٹاک پروسیسنگ اور برآمدی منصوبوں میں توسیع کے تحت مقامی افراد کے لیے 361 نئی ملازمتوں کا اعلان کیا ہے جس سے علاقے میں روزگار کے مواقع میں نمایاں اضافہ متوقع ہے۔ہانگینگ گروپ نے مختلف انتظامی، تکنیکی اور فیکٹری سطح کی آسامیوں کے لیے بھرتیوں کا اعلان کیا ہے ۔
کمپنی منتظمین کے مطابق یہ توسیعی منصوبہ گوادر میں ایک جدید، شفاف اور پائیدار مویشی پالنے اور برآمدی صنعت کے قیام کے ساتھ ساتھ مقامی آبادی کے لیے طویل المدتی معاشی مواقع پیدا کرنے کے مقصد سے شروع کیا گیا ہے۔ہانگینگ گروپ نے اپنے بیان میں کہا ہے کہ منتخب ملازمین کو مسابقتی تنخواہیں، کمپنی کی جانب سے طبی بیمہ، پیشہ ورانہ ترقی کے مواقع اور ایک معیاری کام کا ماحول فراہم کیا جائے گا۔ کمپنی نے یہ بھی واضح کیا کہ بھرتیوں میں گوادر کے مقامی رہائشیوں کو ترجیح دی جائے گی، جو مقامی افراد کی معاشی سرگرمیوں میں شمولیت بڑھانے کے عزم کا مظہر ہے۔
Leave feedback about this