سیالکوٹ اسٹالینز میں شیئرز پر لڑائی،مالک نے پارٹنر کو کٹہرے میں کھڑا کردیا

سیالکوٹ: پاکستان سپر لیگ (پی ایس ایل) کے 11ویں سیزن کے آغاز سے قبل نئی فرنچائز سیالکوٹ اسٹالینز کے شیئرز کے حوالے سے تنازع سامنے آیا ہے۔

آسٹریلیا میں مقیم بزنس مین محمد شاہد نے دعویٰ کیا ہے کہ وہ فرنچائز کے 76 فیصد شیئرز کے مالک ہیں جبکہ ان کے پارٹنر حمزہ مجید جن کے پاس 24 فیصد شیئرز ہیں نے ان کے ساتھ فراڈ کیا ہے اور وہ ان کی اجازت کے بغیر مزید شیئرز فروخت کرنے کی کوشش کر رہے ہیں۔

Mohammad Shahid, owner of PSL franchise @PSLStallionz claims he holds 76% shares & alleges partner Hamza Majeed (24%) is attempting to sell additional shares without authorization.

Shahid says he has informed the PCB & PSL management and reserves the right to take legal action. pic.twitter.com/Lg3MwUpftg

— Ubaid Awan (@UbaidAwan) February 18, 2026

محمد شاہد نے اپنے ویڈیو بیان میں الزام لگایا کہ حمزہ مجید زیادہ منافع کے لیے اپنے حصص مہنگے داموں فروخت کرنے کی کوشش کر رہے ہیں جو کہ غیر قانونی ہے۔

انہوں نے کہا کہ پاکستان کرکٹ بورڈ (پی سی بی) اور پی ایس ایل انتظامیہ کو معاملے سے آگاہ کر دیا گیا ہے اور ضرورت پڑنے پر قانونی کارروائی بھی کریں گے۔

محمد شاہد نے کہا کہ وہ 27 سال بعد پاکستان آئے ہیں۔ وہ میمن ہیں اور ان کا تعلق کراچی سے ہے۔ وہ اس میں سرمایہ کاری کرکے ملک کی ترقی میں اپنا کردار ادا کرنا چاہتا ہے۔ تاہم معاملات کو شفاف طریقے سے نہیں چلایا جا رہا۔ انہوں نے کہا کہ حمزہ مجید کو انصاف کے کٹہرے میں لایا جائے۔