افغانستان میں طالبان کی انتہا پسندی عروج پر پہنچ گئی، بین الاقوامی صنعتی نمائش میں خواتین کی شرکت پر پابندی لگا دی گئی۔
طالبان رجیم کی پالیسیوں نے افغان خواتین کو سیاسی، سماجی اور معاشی زندگی سے مکمل طور پر خارج کر دیا۔
افغان جریدے دی افغانستان انٹرنیشنل کا کہنا ہے کہ کابل میں 5 روزہ صنعتی نمائش میں خواتین کا داخلہ بندکر دیا گیا ہے، اقتدار پر قبضے کے بعد سے افغان خواتین کی تعلیم، دفاتر میں کام اور سماجی سرگرمیوں پر پابندیاں برقرار ہیں۔
ماہرین نے کہا ہے کہ بنیادی انسانی حقوق کی سنگین پامالیاں اور دہشت گردی افغان طالبان کی پہچان بن چکی ہے، انہوں نے مطالبہ کیا کہ طالبان دہشت گرد گروہوں کی سرپرستی ترک کر کے خواتین کے بنیادی حقوق کا تحفظ یقینی بنائیں۔
دی افغانستان انٹرنیشنل کا کہنا ہے کہ افغان خواتین کو سماجی اور معاشی زندگی میں برابر کے حقوق دیے جائیں۔
Leave feedback about this