پاک بھارت میچ سے قبل ایئرلائن ٹکٹوں کی قیمتوں میں ریکارڈ اضافہ

اسلام آباد: پاکستان اور بھارت کے درمیان ہائی پروفائل میچ براہ راست دیکھنے کے خواہشمندوں کو ہوائی ٹکٹ خریدنے کے لیے 500 گنا زیادہ رقم ادا کرنا ہوگی۔

اس بار آئی سی سی ٹی ٹوئنٹی ورلڈ کپ 2026 میں شاید کچھ ایسا ہونے جا رہا ہے جو اس سے پہلے شاید ہی کبھی دیکھا گیا ہو۔ روایتی حریفوں کے درمیان میچ کی وجہ سے کولمبو، سری لنکا جانے والی ایئر لائنز کے ٹکٹوں کی قیمتوں میں نمایاں اضافہ ہو گیا ہے۔

بھارتی میڈیا رپورٹس کے مطابق ٹکٹوں کی قیمت سات ہزار سے بڑھ کر پچیس ہزار بھارتی روپے ہو گئی ہے۔ جو ٹکٹ پہلے 7 ہزار میں ملتا تھا اب 500 گنا زیادہ یعنی 42 ہزار روپے وصول کیا جا رہا ہے۔

اتوار کو کولمبو کے آر پریماداسا اسٹیڈیم میں 15 فروری کو ہونے والے میچ کی تاریخ قریب آتے ہی ہندوستان سے کولمبو جانے والی پرواز کے کرایوں میں نمایاں اضافہ دیکھا جا رہا ہے۔

میچ دیکھنے کے لیے ملک بھر سے بھارتی شائقین کولمبو پہنچ رہے ہیں جس کے باعث دہلی سے کولمبو اور ممبئی سے کولمبو کی پروازوں کے کرایوں میں کئی گنا اضافہ ہوگیا ہے۔

سری لنکا سے چنئی صرف ڈیڑھ گھنٹے کی دوری پر ہے، جب کہ یہاں سے کولمبو کے لیے روزانہ 16 پروازیں چلتی ہیں، جن کے کرایے عموماً کم ہوتے ہیں، تاہم کولمبو جانے والی پروازوں کے ٹکٹوں کی بکنگ میں رش کی وجہ سے قیمت کئی گنا وصول کی جارہی ہے۔

ہوائی ٹکٹ جن کی قیمت پہلے 7,000 روپے تھی وہ 42,000 روپے تک فروخت کیے جا رہے ہیں، جمعہ 13 فروری کو چنئی سے IndiGo کے ریگولر اکانومی کرایوں کے ساتھ، 7,127 روپے سے بڑھ کر 22,000 روپے اور 25,000 روپے ہو گئے ہیں۔

دوسری جانب سری لنکن ایئر لائنز کے لیے یہی قیمت 42,231 روپے تک پہنچ گئی ہے، انڈیگو کا 14 فروری کا کرایہ 20,708 روپے سے بڑھ کر 25,207 روپے ہو گیا ہے، جب کہ سری لنکن ایئر لائنز کا کرایہ بڑھ کر 35,217 روپے ہو گیا ہے۔ اگر ہم میچ والے دن یعنی 15 فروری کی بات کریں تو اس دن IndiGo پر ٹکٹ کی قیمتیں 18,283 روپے سے لے کر 19,464 روپے تک ہیں، جب کہ سری لنکن ایئر لائنز پر یہ 28,660 روپے سے 42,231 روپے تک ہے۔

ایسی اطلاعات بھی سامنے آئی ہیں کہ بھارت کے کئی دیگر شہروں میں کولمبو کے کرائے آسمان کو چھو رہے ہیں جب کہ پاکستان سے بھی سینکڑوں کرکٹ شائقین میچ دیکھنے کے لیے کولمبو روانہ ہو رہے ہیں۔