لوگ پریشان!رمضان سے قبل مرغی مہنگی،سرکاری نرخ بے اثر

کراچی: رمضان المبارک سے قبل چکن مہنگا ہوگیا اور سرکاری نرخ آسمان کو چھونے لگے۔

مرغی کا گوشت سرکاری قیمت سے 30 روپے مہنگا پر فروخت کیا جا رہا ہے۔

دکاندار کراچی کمشنر کی جانب سے مقرر کردہ قیمتوں پر عمل درآمد کرنے کو تیار نہیں۔ سرکاری پرائس لسٹ کے مطابق مرغی کے گوشت کی قیمت 510 روپے فی کلو مقرر ہے تاہم مارکیٹ میں اسے 540 روپے فی کلو تک فروخت کیا جا رہا ہے۔

اسی طرح زندہ مرغی کی سرکاری قیمت 336 روپے فی کلو ہے لیکن دکاندار اسے 350 روپے فی کلو تک فروخت کر رہے ہیں۔

پولٹری رہنما ملک ظریف نے مطالبہ کیا ہے کہ سرکاری قیمتوں پر عمل درآمد کو یقینی بنانے کے لیے دکانداروں اور مڈل مینوں سے فوری اجلاس بلایا جائے تاکہ عوام کو ریلیف فراہم کیا جا سکے۔

مہنگا چکن ملنے کے بعد شہریوں کا کہنا ہے کہ سب کچھ ان کی قوت خرید سے باہر ہوتا جا رہا ہے، رمضان میں منافع خوروں کے ہجوم پر افسوس ہے۔