آج کن علاقوں میں بارش اور برفباری ہوگی؟ محکمہ موسمیات کی بڑی پیشگوئی سامنے آگئی

محکمہ موسمیات نے ملک کے مختلف علاقوں میں بارش اور برفباری کی پیشگوئی کر دی ہے، جبکہ چند علاقوں میں دھند اور سردی کے اثرات بھی رہنے کا امکان ہے۔

محکمہ موسمیات کے مطابق اسلام آباد میں موسم سرد اور مطلع ابر آلود رہنے کا امکان ہے، جبکہ پنجاب کے شہروں لاہور، گوجرانوالہ، گجرات، سیالکوٹ، نارووال، جھنگ اور شیخوپورہ میں بارش متوقع ہے۔ ساہیوال، فیصل آباد، شورکوٹ، ملتان، کوٹ ادو، بہاولنگر اور اوکاڑہ میں بھی بارش ہونے کا امکان ظاہر کیا گیا ہے۔ قصور، خانیوال، خانپور، بہاولپور اور رحیم یار خان میں دھند چھائی رہنے کی توقع ہے۔

بلوچستان کے علاقوں کوئٹہ، زیارت، چمن، پشین، قلعہ عبداللہ، موسیٰ خیل، تربت، گوادر، جیوانی، لسبیلہ، قلعہ سیف اللہ، نوشکی، ژوب، قلات، بارکھان، کیچ، آواران، چاغی، پنجگور، خضدار، واشک اور خاران میں بارش کا امکان ہے۔ سندھ کے علاقوں دادو، بینظیرآباد، قمبر شہزاد کوٹ، نوشہرو فیروز اور جام شورو میں بھی بارش متوقع ہے، جبکہ سکھر، روہڑی، شکارپور، کشمور اور موہنجوداڑو میں دھند پڑنے کا امکان ہے۔

خیبرپختونخوا کے چترال، دیر، سوات، شانگلہ، کوہستان، بٹگرام، مانسہرہ، ایبٹ آباد، کرم، وزیرستان اور بنوں میں بارش اور برفباری متوقع ہے۔ اس کے علاوہ آزاد کشمیر اور گلگت بلتستان کے بعض مقامات پر بھی بارش اور برفباری کا امکان ظاہر کیا گیا ہے۔

محکمہ موسمیات نے شہریوں اور زراعت سے وابستہ شعبوں کو محتاط رہنے اور موسمی حالات کے مطابق اقدامات کرنے کی ہدایت کی ہے، جبکہ ڈرائیورز کو دھند اور برفباری والے علاقوں میں اضافی احتیاط برتنے کی بھی تاکید کی گئی ہے۔