محکمہ موسمیات کا ممکنہ طوفان کے حوالے سے الرٹ جاری

محکمہ موسمیات نے بحیرہ عرب میں بننے والے ممکنہ طوفان کے حوالے سے الرٹ جاری کردیااس حوالے سے محکمہ موسمیات نے کہا ہے کہ جنوب مشرقی بحیرہ عرب میں ہوا کا کم دباﺅ ڈپریشن میں تبدیل ہوگیا ہے ڈپریشن کا کراچی سے فاصلہ 1500 کلومیٹر ہے ۔محکمہ موسمیات کا کہنا ہے کہ اگلے اٹھارہ سے چوبیس گھنٹوں میں ڈپریشن ٹروپیکل سائیکلون میں تبدیل ہوسکتا ہے پاکستان کے کسی ساحلی علاقے کو ہوا کے کم دباﺅ سے کوئی خطر ہ نہیں ہے ۔محکمہ موسمیات کے مطابق سائیکلون وارننگ سینٹر کراچی تمام صورتحال کا باریک بینی سے مشاہد کررہاہے ، بحیرہ عرب میں ہونیوالی اس سرگرمی کی پیشرفت سے متعلق وقتاً فوقتاً آگاہی دی جائیگی ۔