مہنگائی نے گھر کے خواب چھین لیے، سیمنٹ کی فی بوری قیمت میں اضافہ

ملک میں سیمنٹ کی ریٹیل قیمت میں ہفتے کے دوران معمولی اضافہ ریکارڈ کیا گیا ہے، جس سے عام شہریوں کے لیے گھروں کی تعمیر کا خواب مزید مشکل ہوتا جا رہا ہے۔

شماریات بیورو کے مطابق 26 مارچ کو ختم ہونے والے ہفتے میں شمالی شہروں میں سیمنٹ کی فی بوری کی اوسط ریٹیل قیمت 1482 روپے ریکارڈ کی گئی، جو گزشتہ ہفتے کی 1476 روپے کی اوسط قیمت کے مقابلے میں 0.43 فیصد زیادہ ہے۔

اسی دوران جنوبی شہروں میں سیمنٹ کی فی بوری اوسط قیمت 1489 روپے ریکارڈ کی گئی، جو پچھلے ہفتے کی 1471 روپے کی اوسط قیمت سے 1.20 فیصد زیادہ ہے۔

علاقائی سطح پر قیمتیں کچھ یوں ریکارڈ کی گئیں: اسلام آباد میں 1441 روپے، راولپنڈی 1433، گوجرانوالہ 1520، سیالکوٹ 1510، لاہور 1509، فیصل آباد 1450، سرگودھا 1500، ملتان 1513، بہاولپور 1533، پشاور 1493 اور بنوں 1400 روپے۔

جنوبی شہروں میں کراچی میں فی بوری 1400 روپے، حیدرآباد 1498، سکھر 1550، لاڑکانہ 1413، کوئٹہ 1470 اور خضدار 1600 روپے ریکارڈ کی گئی ہیں۔

ماہرین کا کہنا ہے کہ اگر یہ رجحان جاری رہا تو گھروں کی تعمیر میں لاگت مزید بڑھ سکتی ہے، جس سے عام شہریوں کے لیے تعمیراتی منصوبے مہنگے اور مشکل تر ہو جائیں گے۔