ایرانی دفترخارجہ نے امریکا کے ساتھ ثالثوں کے ذریعے پیغام رسانی کی تصدیق کردی

ایرانی دفترخارجہ نے امریکا کے ساتھ ثالثوں کے ذریعے پیغام رسانی کی تصدیق کردی۔

ترجمان اسماعیل بقائی کے مطابق امریکا کے ساتھ کوئی براہ راست مذاکرات نہیں ہورہے تاہم امریکا کے ساتھ ثالثوں کے ذریعے پیغام رسانی ہوتی ہے۔

اسماعیل بقائی نے کہا کہ ایران ہر جگہ اپنے شہریوں کے حقوق کا تحفظ کرے گا، امید ہے متحدہ عرب امارات ایرانی شہریوں کے ساتھ دور اندیشی سے پیش آئے گا۔

ان کا مزید کہنا تھا کہ لبنان میں ایران کے سفیر بیروت میں اپنی ذمہ داریاں جاری رکھیں گے، روس یوکرین جنگ اور امریکا ایران جنگ کا کوئی موازنہ نہیں بنتا۔

قبل ازیں امریکی صدر نے کہا کہ پاکستان کے ذریعے ایران امریکا مذاکرات میں پیشرفت ہورہی ہے۔ ڈونلڈ ٹرمپ نے کہا کہ ایران کے ساتھ ڈیل جلد ہوسکتی ہے۔ ایران نے کئی جہازوں کو آبنائے ہرمز سے گزرنے کی اجازت دی،جہاز گزرنے میں ایرانی اسپیکر کی اجازت شامل تھی۔