آج کہاں کہاں بادل برسیں گے؟ محکمہ موسمیات کی پیشگوئی سامنے آ گئی

محکمہ موسمیات نے جمعرات کی رات اور آنے والے دن کے لیے ملک کے مختلف علاقوں میں موسم کے حوالے سے تفصیلی پیشگوئی جاری کر دی ہے۔ پیشگوئی کے مطابق ملک کے بیشتر علاقوں میں موسم سرد اور خشک رہنے کا امکان ہے، جبکہ پہاڑی علاقوں میں شدید سردی متوقع ہے۔

گلگت بلتستان، کشمیر اور ملحقہ پہاڑی علاقوں میں مطلع جزوی ابرآلود رہے گا اور چند مقامات پر ہلکی بارش یا ہلکی برفباری ہو سکتی ہے۔ آج کا کم سے کم درجہ حرارت لہہ میں منفی 07، کالام میں منفی 06، مالم جبہ میں منفی 05، اسکردو اور استور میں منفی 04، جبکہ ہنزہ اور گوپس میں منفی 03 ڈگری سینٹی گریڈ ریکارڈ کیا گیا ہے۔

جمعرات کے روز اسلام آباد اور گردونواح میں موسم سرد اور خشک رہنے کا امکان ہے۔ خیبرپختونخوا کے بیشتر اضلاع میں موسم سرد اور خشک رہے گا، جبکہ پہاڑی علاقوں میں رات اور صبح کے اوقات میں شدید سردی کی توقع ہے۔

پنجاب کے بیشتر اضلاع میں بھی موسم سرد اور خشک رہنے کا امکان ہے۔ مری، گلیات اور گردونواح میں موسم شدید سرد اور خشک رہنے کا امکان ہے۔ لاہور، شیخوپورہ، قصور، اوکاڑہ، فیصل آباد، سرگودھا، جھنگ، ساہیوال، گوجرانوالہ، نارووال، سیالکوٹ اور گردونواح میں چند مقامات پر علی الصبح یا صبح کے اوقات میں ہلکی سے درمیانی دھند متوقع ہے۔

سندھ کے بیشتر اضلاع میں موسم سرد اور خشک رہنے کی توقع ہے۔ بلوچستان کے شمالی اضلاع میں رات اور صبح شدید سردی کی توقع ہے، جبکہ بعد از دوپہر مغربی اضلاع میں مطلع جزوی ابرآلود رہنے کا امکان ہے۔ کشمیر اور گلگت بلتستان میں بھی موسم شدید سرد اور خشک رہنے کی پیشگوئی کی گئی ہے۔

محکمہ موسمیات نے شہریوں اور خصوصاً پہاڑی علاقوں میں مقیم افراد کو شدید سردی سے بچاؤ کے لیے مناسب انتظامات کرنے کی ہدایت کی ہے اور یہ بھی کہا ہے کہ پہاڑی علاقوں میں ہلکی برفباری اور بارش کے باعث راستوں میں پھسلن یا مشکل حالات پیدا ہو سکتے ہیں، لہٰذا احتیاط ضروری ہے۔