بیٹنگ چلی نہ بالنگ،آسٹریلیا نے پاکستان کو ہراکر ٹی وی20سیریز جیت لی

ہوبارٹ:دونوں ٹیموں کے درمیان تیسرا اور آخری ٹی 20 میچ ہوبارٹ میں کھیلا گیا جہاں قومی کپتان سلمان علی آغا نے ٹاس جیت کر پہلے بیٹنگ کرنے کا فیصلہ کیا جو زیادہ اچھا ثابت نہ ہو سکا، قومی ٹیم مقرر 20 اوورز بھی پورے نہ کھیل سکی اور 117 رنز بنا کر ہی ڈھیر ہو گئی۔میزبان آسٹریلیا نے پاکستان کا 118 رنز کا ہدف 3 وکٹوں کے نقصان پر 14 ویں اوور میں حاصل کر کے پاکستان کو سیریز میں کلین سویپ شکست دیدی۔میزبان کینگروز کی جانب سے اننگز کا آغاز جیک فریزر اور میتھیو شارٹ نے کیا تاہم یہ اوپننگ جوڑی ایک بار پھر زیادہ دیر کریز پر نہ ٹھہر سکی اور میتھیو شارٹ 2 رنز بنا کر شاہین کی گیند پر عرفان خان نیازی کو کیچ دے بیٹھے۔
جیک فریزر بھی زیادہ دیر کریز پر نہ ٹھہر سکے اور 18 رنز بنا کر جہانداد خان کی گیند پر عثمان خان کو دے کر پویلین لوٹ گئے تاہم کپتان جوش انگلس نے کچھ دیر مزاحمت دکھائی اور 24 گیندوں پر 27 رنز بنا کر آٹ ہوئے۔قبل ازیں پاکستان کی جانب سے اننگز کا آغاز صاحبزادہ فرحان اور بابر اعظم نے کیا لیکن صاحبزادہ فرحان ایک بار پھر ناکام ثابت ہوئے اور صرف 9 رنز بنا کر آٹ ہو گئے جبکہ حسیب اللہ 24 رنز بنا کر چلتے بنے۔
دوسرے ٹی 20 میں ففٹی سکور کرنے والے عثمان خان صرف 3 رنز بنا سکے جبکہ قومی ٹیم کے کپتان سلمان علی آغا 9 گیندوں پر صرف ایک رن بنا کر پویلین لوٹ گئے۔سابق کپتان بابر اعظم 41 رنز بناکر ایڈم زمپا کی گیند پر کلین بولڈ ہو کر چلتے بنے، عرفان خان نیازی کی قسمت نے ساتھ نہ دیا اور 10 رنز بنا کر رن آٹ ہو گئے جبکہ عباس آفریدی محض ایک رن کے مہمان ثابت ہوئے۔