الیکشن کمیشن کی امید واران کے تشہیری ہورڈنگز ہٹانے کی کارروائی

الیکشن کمیشن کی جانب سے ضابطہ اخلاق کی خلاف ورزی کرنے والے امیدواروں کے اشتہاری ہورڈنگز ہٹانے کا عمل شروع کر دیا گیا ہے۔الیکشن کمیشن آف پاکستان کا کہنا ہے کہ اس وقت تمام اضلاع میں مانیٹرنگ ٹیمیں متحرک ہیں۔یہ بات الیکشن کمیشن آف پاکستان کی جانب سے جاری بیان میں کہی گئی ہے۔الیکشن کمیشن کے مطابق ملتان اور سیالکوٹ میں مانیٹرنگ ٹیموں نے امیدواروں کا پروموشنل مواد ہٹانا شروع کر دیا ہے۔الیکشن کمیشن کا یہ بھی کہنا ہے کہ امیدواروں نے ضابطہ اخلاق کی خلاف ورزی کرتے ہوئے اشتہاری ہورڈنگز لگائے تھے۔