انٹر بینک ، ڈالر 280 روپے سے نیچے آگیا

امریکی ڈالر کی قدر میں مسلسل کمی جاری ہے انٹر بینک میں آج ڈالر 280 روپے سے نیچے آگیا ۔ انٹر بینک میں ڈالر ایک روپے ایک پیسے سستا ہونے کے بعد 279 روپے 50 پیسے کا ہوگیا ، گذشتہ روز انٹر بینک میں ڈالر 280 روپے 51 پیسے پر بند ہوا تھا ۔پاکستان اسٹاک ایکسچینج میں آج کاروبار کا مثبت آغاز ہوا ہے ۔ پاکستان اسٹاک ایکسچینج کا سو انڈیکس 160 پوائنٹس کے اضافے سے 48 ہزار 301 پر آگیا ۔گذشتہ روز کاروبار کے اختتام پر سو انڈیکس 48 ہزار 140 پوائنٹس پر تھا۔