کراچی ، مختلف علاقوں میں بارش ، ملیر میں ژالہ باری

کراچی کے مختلف علاقوں میں کہیں ہلکہ ، کہیں موسلادھار بارش ، کہیں بوندا باندی ہوئی ہے جبکہ ژالہ باری کی اطلاعات بھی موصول ہوئی ہیں ۔شہر کے مختلف علاقوں گلشن اقبال ، نیپا ، چورنگی ، گلستان جوہر ، اور کلفٹن میں بارش ہوئی ہے ۔ملیر کے علاقے گلشن قادری میں ژالہ باری ہوئی ہے ۔موسمیاتی تجزیہ کار کے مطابق کچھ وقت تک درمیانی اور تیز بارش کا امکان رہے گا۔موسمیاتی تجزیہ کار کا یہ بھی کہنا ہے کہ بارش کا سلسلہ ایک سے دو گھنٹے جاری رہ سکتا ہے ۔آج صبح محکمہ موسمیات نے پیشگوئی کی تھی کہ کراچی میں آئندہ 24 گھنٹوں کے دوران وقفے وقفے سے گرج چمک کیساتھ بارش کا امکان ہے ۔