ملتان، جاوید ہاشمی کی رہائش گاہ پر مبینہ چھاپہ

ملتان میں پولیس نے سینئر سیاستدان جاوید ہاشمی کی رہائش گاہ پر مبینہ طور پر چھاپہ مارا۔جاوید ہاشمی کا کہنا ہے کہ پی ٹی آئی کے امیدوار زاہد بہار ہاشمی اور گھر کے نوکروں کو گرفتار کیا گیا۔سینئر سیاستدان نے الزام لگایا ہے کہ پولیس دروازے توڑ کر گھر میں داخل ہوئی اور تشدد کا سہارا لیا۔انہوں نے کہا کہ تحریک انصاف کا ورکرز کنونشن آج ان کی رہائش گاہ پر ہونا تھا جس میں مہر بانو قریشی اور زین قریشی نے بھی شرکت کرنی تھی۔