’یہ آنکھیں امیتابھ بچن کو دکھائیے گا ہمیں نہیں‘ صحافی کا گھورنے پر جیابچن کو جواب

بالی وڈ اداکارہ اور سماج وادی پارٹی کی رکن پارلیمنٹ جیا بچن کی ایک تقریب کے دوران صحافی کے ساتھ تلخ کلامی کی ویڈیو سوشل میڈیا پر گردش کرنے لگی۔

جیا بچن کی صحافیوں، فوٹوگرافروں اور پاپارازی کے ساتھ تلخ کلامی کے واقعات اکثر خبروں کی زینت بنتی رہی ہیں۔ سوشل میڈیا پر سامنے آنے والی ویڈیو میں انہیں ایک تقریب میں صحافیوں اور فوٹوگرافروں کو غصے سے گھورتے ہوئے دیکھا جاسکتا ہے۔

ویڈیو کے مطابق اس موقع پر ایک صحافی نے جیا بچن کو جواب دیتے ہوئے کہا کہ ’’گھور کیوں رہی ہیں؟ آپ امیتابھ بچن کی بیوی ہیں، اس لیے تصویر بنائی ہے، یہ آنکھیں امیتابھ بچن کو دکھائیے گا، ہمیں نہیں۔‘‘

جیا بچن اور صحافی کے درمیان اس تلخ جملوں کے تبادلے کی ویڈیو سوشل میڈیا پر توجہ حاصل کر رہی ہے۔اس سے قبل بھی جیا بچن کی عوامی تقریبات کے دوران فوٹوگرافروں کے ساتھ تلخ کلامی کی ویڈیوز سامنے آتی رہی ہیں۔