پشاور زلمی کے اونر جاوید آفریدی کے گھر سوگ چھا گیا
والدہ کے انتقال پر ورزشی حلقوں میں غم کی لہر دوڑ گئی
پاکستان سپر لیگ کی فرنچائز پشاور زلمی کے چیئرمین اور معروف کاروباری شخصیت جاوید آفریدی کی والدہ انتقال کر گئی ہیں۔ خاندانی ذرائع کے مطابق مرحومہ کچھ عرصے سے علیل تھیں۔
والدہ کے انتقال کی خبر سامنے آنے کے بعد سیاسی، سماجی، کاروباری اور کھیلوں سے تعلق رکھنے والی شخصیات کی جانب سے جاوید آفریدی سے تعزیت اور اظہار افسوس کا سلسلہ جاری ہے۔
پاکستان ہاکی ٹیم کے سابق کپتان شہباز سینئر نے جاوید آفریدی سے ان کی والدہ کے انتقال پر گہرے دکھ اور افسوس کا اظہار کرتے ہوئے مرحومہ کے درجات کی بلندی اور مغفرت کے لیے دعا کی۔ انہوں نے سوگوار خاندان سے دلی ہمدردی کا اظہار کرتے ہوئے کہا کہ اللہ تعالی مرحومہ کو اپنی جوارِ رحمت میں اعلی مقام عطا فرمائے اور اہل خانہ کو یہ صدمہ صبر و استقامت کے ساتھ برداشت کرنے کی توفیق دے۔