نائب صدر جے ڈی وینس کا طیارہ چند گھنٹے بعد پاکستان پہنچ جائے گا: ڈونلڈ ٹرمپ

امریکی صدر ڈونلڈ ٹرمپ نے نیویارک پوسٹ سے گفتگو کرتے ہوئے کہا کہ ہمارا ایک ہی مطالبہ ہے، ایران کے پاس جوہری ہتھیار نہ ہو،  جی ڈی وینس کا طیارہ چند گھنٹے بعد پاکستان پہنچ جائے گا۔

تفصیلات کے مطابق ڈونلڈ ٹرمپ کا کہناتھا کہ کوئی بریک تھرو ہوا تو ایرانی قیادت سے ملاقات کرنا چاہوں  گا،ایرانی قیادت ملنا چاہے تو مجھے کوئی اعتراض نہیں ہو گا،امریکا اور ایران کے درمیان مذاکرات ہونے والے ہیں،فریقین میں سے کوئی بھی گیم نہیں کھیل رہا،ہماراایک ہی مطالبہ ہے ایران کے پاس جوہری ہتھیارنہ ہوں،ایران یہ مطالبہ مان لے تو ان کے پاس ترقی کرنے کا موقع ہے۔

امریکی صدر نے بلومبرگ سے گفتگو کرتے ہوئے کہا کہ آبنائے ہرمز کی ناکہ بندی برقرار رہے گی، ایران کے ساتھ کسی برے معاہدے میں جلدی نہیں کروں گا،آبنائے ہرمز کی ناکہ بندی اس وقت ختم نہیں کروں گا جب تک معاہدے پر دستخط نہ ہوجائیں گے، مجھے توقع ہے اگر معاہدہ نہ ہوا تو لڑائی دوبارہ شروع ہو جائے گی۔