بندر کے آنسو پر دنیا رو دی۔۔۔ مگر غزہ کی بچی پر خاموشی کیوں؟دلخراش ویڈیو نے دنیا کو آئینہ دکھا دیا

پیرس: فرانس میں کیوبا کے سفارت خانے نے سوشل میڈیا پر ایک ایسی ویڈیو شیئر کی ہے جس نے دنیا کے ضمیر کو جھنجھوڑ کر رکھ دیا ہے۔

کچھ عرصہ قبل سوشل میڈیا پر ایک ویڈیو وائرل ہوئی تھی جس میں ماں سے محروم ایک ننھا بندر کھلونا بندر کو اپنی ماں سمجھ کر اس سے چمٹا نظر آرہا ہے۔ اس منظر نے دنیا بھر کے صارفین کو افسردہ کردیا اور ہمدردی کے پیغامات کا سیلاب آگیا۔

Le monde s’émeut devant le singe «Punch» qui serre une peluche, tout en ignorant la souffrance de milliers d’enfants #orphelins à #Gaza, dont toute la famille a été assassinée par Israël.

L’empathie sélective est une honte.#FreePalestine #StopGenocide #Punch pic.twitter.com/pQFKZ2njuy

— Ambassade de Cuba en France (@EmbaCubaFrancia) February 24, 2026

تاہم کیوبا کے سفارت خانے نے اسی جذباتی ردعمل پر تنقید کرتے ہوئے اسے دوہرا معیار قرار دیا۔

سفارت خانے کی جانب سے شیئر کی گئی ویڈیو کے ایک حصے میں جاپان کے ایک چڑیا گھر میں ایک چھوٹا بندر پنچ دکھایا گیا ہے، جو اپنی ماں سے جدا ہونے کے بعد اپنے سینے سے کھلونا لیے بیٹھا ہے۔

ویڈیو کا دوسرا حصہ مکمل طور پر بدل گیا ہے، جس میں غزہ کی ایک نوجوان لڑکی کو ملبے کے درمیان کھڑا دکھایا گیا ہے، اس کی گڑیا اپنے سینے سے چمٹی ہوئی ہے، اسرائیلی حملوں میں اپنا گھر اور خاندان کھونے کے بعد خاموشی سے صدمے کو برداشت کر رہی ہے۔

سفارتخانے نے اپنی پوسٹ میں لکھا کہ دنیا ایک بندر کو گلے لگا کر کھلونے پر آنسو بہاتی ہے لیکن غزہ کے ہزاروں یتیم بچوں کے مصائب پر خاموش ہے، جن کے خاندان دشمنی میں جان سے ہاتھ دھو بیٹھے ہیں۔

کیوبا کے سفارت خانے نے اس رویے کو رضاکارانہ ہمدردی قرار دیتے ہوئے کہا کہ یہ تضاد عالمی انسانی حقوق کے دعووں پر سنگین سوالات اٹھاتا ہے۔