خواہشمند افراد کے لیے سنہری موقع، اٹلی نے ویزے دینے کا اعلان کر دیا

اسلام آباد: اطالوی وزیر داخلہ میٹیو پینٹے نے اعلان کیا ہے کہ پاکستانی ہنر مند لیبر کے لیے قانونی طور پر 10,500 ویزے جاری کیے جائیں گے جب کہ پاکستانی سفارتی پاسپورٹ رکھنے والوں کو ویزے سے استثنیٰ دیا جائے گا۔

وفاقی وزیر داخلہ محسن نقوی نے روم میں اپنے اطالوی ہم منصب Matteo Pente Duce سے ملاقات کی، جس میں دونوں ممالک کے درمیان داخلی سلامتی، غیر قانونی امیگریشن اور انسداد انسانی سمگلنگ میں تعاون پر تبادلہ خیال کیا گیا۔

پینٹے ڈوس نے کہا کہ محسن نقوی نے حال ہی میں سفارتی پاسپورٹ رکھنے والوں کے لیے ویزا استثنیٰ کی تجویز پیش کی تھی۔ دونوں وزرائے داخلہ نے غیر قانونی امیگریشن کو روکنے کے لیے مشترکہ اقدامات کی اہمیت پر زور دیا۔

محسن نقوی نے کہا کہ پاکستان نے اپنے ہوائی اڈوں اور سمندری سرحدوں کی کڑی نگرانی کرکے غیر قانونی امیگریشن کو کم کیا ہے۔

اطالوی وزیر داخلہ نے پاکستان کی موثر پالیسیوں کو سراہتے ہوئے کہا کہ منشیات، غیر قانونی امیگریشن اور انسانی سمگلنگ کے خلاف پاکستان کی کامیابیاں قابل تحسین ہیں۔ انہوں نے مزید کہا کہ دونوں ممالک قانونی نقل مکانی کو فروغ دینے کے لیے اپنے تعاون میں اضافہ کریں گے۔