بانی پی ٹی آئی کا علاج یا سیاسی ڈرامہ؟ رانا ثناءاللہ کھل کر بول پڑے

اسلام آباد: وزیراعظم کے مشیر برائے سیاسی امور رانا ثناء اللہ نے کہا ہے کہ پی ٹی آئی جو کر رہی ہے وہ سیاست ہے اور اس کا بانی پی ٹی آئی کے علاج سے کوئی تعلق نہیں۔

نجی ٹی وی سے گفتگو کرتے ہوئے رانا ثناء اللہ نے کہا کہ پی ٹی آئی کا خفیہ ایجنڈا ہے کہ احتجاج سڑکوں پر احتجاج میں بدل جائے، پی ٹی آئی کبھی مطمئن نہیں ہوگی۔

انہوں نے کہا کہ خیبرپختونخوا کے عوام سڑکوں کی بندش پر غمزدہ اور ناراض ہیں، کے پی میں اس وقت جو کچھ ہو رہا ہے وہ وہاں کی حکومت خود کر رہی ہے اور وزیر اعلیٰ خود اس میں ملوث ہیں۔

اس سے قبل اپنے بیان میں رانا ثنا نے کہا تھا کہ آج کی ملاقات کے بعد جو پیغام سامنے آیا ہے، کیا جیل کا قانون اس کی اجازت دیتا ہے؟

رانا ثناء اللہ نے کہا کہ پی ٹی آئی کے بانی کو بہترین دستیاب علاج فراہم کیا گیا۔ وہ ملک میں افراتفری اور انتشار پھیلانا چاہتا ہے۔ پی ٹی آئی کی توجہ ملک میں انارکی اور افراتفری پھیلانے پر ہے۔