وزیراعلیٰ خیبرپختونخوا سہیل آفریدی 26 دسمبر بروز جمعہ لاہور کا دورہ کریں گے۔ پنجاب اسمبلی آمد کے حوالے سے اپوزیشن لیڈر معین قریشی نے سپیکر آفس کو باقاعدہ آگاہ کر دیا ہے۔
اطلاع کے مطابق، دورے کے دوران وزیراعلیٰ سہیل آفریدی حزب اختلاف کے ارکان سے ملاقات کریں گے اور میڈیا کے نمائندوں سے بھی گفتگو کریں گے۔ وزیر اعلیٰ شام 8 بجے تک اسمبلی میں موجود رہیں گے۔
اپوزیشن لیڈر کی طرف سے خط میں یہ بھی کہا گیا ہے کہ دورے کے دوران تمام ضروری انتظامات کو یقینی بنایا جائے، جن میں نشستوں کا انتظام، پروٹوکول اور میڈیا کوآرڈینیشن شامل ہے، تاکہ پروگرام بخوبی اور خوش اسلوبی سے منعقد ہو سکے۔
یہ دورہ صوبائی اسمبلی میں سیکیورٹی اور انتظامی اقدامات کو مضبوط کرنے کے لیے بھی اہم قرار دیا جا رہا ہے۔
Leave feedback about this