پاک بھارت میچ سےقبل بابر اعظم کی ٹیم ٹاک وائرل ،جونیئر کھلاڑیوں کو کیا ہدایت دی؟جانیے

لاہور: قومی کرکٹ ٹیم کے سابق کپتان اور اسٹار بلے باز بابر اعظم نے کہا ہے کہ پاک بھارت میچ میں شائقین کی توقعات بہت زیادہ ہو جاتی ہیں۔

کرکٹ کی ایک ویب سائٹ کو دیے گئے انٹرویو میں انہوں نے کہا کہ یہ میچ نہ صرف پاکستان اور بھارت بلکہ دنیا بھر کے کرکٹ شائقین کی توجہ کا مرکز ہے۔

🎙️ Babar Azam on the highly anticipated match against India pic.twitter.com/QVhSUueuUY

— ESPNcricinfo (@ESPNcricinfo) February 14, 2026

بابر اعظم نے کہا کہ انہوں نے پاک بھارت کئی میچز کھیلے ہیں اور سیکھا ہے کہ میدان کے باہر جو کچھ ہو رہا ہے اس پر توجہ دینے کے بجائے خود کو پر سکون رکھنا ضروری ہے۔

انہوں نے کہا کہ بھارت کے خلاف میچ کا اپنا ہی جوش ہے، لیکن وہ اپنے جونیئرز کو مشورہ دیتے ہیں کہ وہ زیادہ پراعتماد رہیں اور تناؤ کا شکار نہ ہوں، کیونکہ یہ آپ کے لیے بہتر نتائج کا باعث بنتا ہے۔

واضح رہے کہ بابر اعظم 2017 کی چیمپئنز ٹرافی کے بعد بھارت کے خلاف کئی اہم میچز میں شرکت کر چکے ہیں۔

انہوں نے 2017 کی چیمپئنز ٹرافی فائنل اور 2021 کے T20 ورلڈ کپ میں بھارت کو شکست دینے میں بھی اہم کردار ادا کیا۔