بھارت کسی خود فریبی یا گمان میں نہ رہے ، اگلی بار جواب زیادہ برق رفتار اور شدید ہو گا ، فیلڈ مارشل

چیف آف آرمی اسٹاف اور چیف آف ڈیفنس فورسز فیلڈ مارشل سید عاصم منیر نے تینوں مسلح افواج کے افسران سے خطاب کرتے ہوئے کہا ہے کہ پاکستان ایک امن پسند ملک ہے، لیکن کسی کو بھی ملکی خودمختاری یا علاقائی سالمیت پر آنچ اور ہمارے عزم کو پرکھنے کی اجازت نہیں دی جائے گی۔
ڈیفنس فورسز ہیڈ کوارٹرز کا قیام، ایک تاریخی قدم فیلڈ مارشل نے کہا کہ نئے قائم ہونے والے ڈیفنس فورسز ہیڈ کوارٹرز میں بنیادی تبدیلی تاریخی ہے اور یہ بڑھتے اور بدلتے ہوئے خطرات کے پیشِ نظر تینوں افواج کے ملٹی ڈومین آپریشنز کو متحد نظام کے تحت مزید مؤثر بنانے کی سمت میں ایک ضروری قدم ہے۔
انہوں نے واضح کیاہر سروس اپنی آپریشنل تیاریوں کے لیے اپنی انفرادیت برقرار رکھے گی۔ڈیفنس فورسز ہیڈ کوارٹرز سروسز کے آپریشنز کو مربوط اور ہم آہنگ کرے گا۔بالا کمانڈ کی یکجہتی کے ساتھ ساتھ تینوں افواج اپنی اندرونی خود مختاری اور تنظیمی ڈھانچے کو برقرار رکھیں گی۔
بھارت اور دشمنوں کے لیے سخت وارننگ فیلڈ مارشل نے بھارت کو پیغام دیا کہ وہ کسی خود فریبی یا غلط گمان کا شکار نہ ہو، کیونکہ اگلی بار پاکستان کا جواب پہلے سے بھی زیادہ برق رفتار اور شدید ہوگا۔ انہوں نے کہاکسی کو بھی پاکستان کی خودمختاری اور علاقائی سالمیت پر آنچ دینے کی اجازت نہیں دی جائے گی۔پاکستان کے دفاع میں شامل جوانوں اور قوم کا عزم ناقابل تسخیر ہے۔
طالبان رجیم کو واضح پیغام فیلڈ مارشل نے افغانستان کی طالبان انتظامیہ کو بھی انتباہ کیا کہ ان کے پاس صرف دو راستے ہیں،فتنہ آل خوارج کا انتخاب پاکستان کے ساتھ تعاون انہوں نے کہا کہ کسی کو بھی پاکستان میں دہشت گردی یا انتشار کے لیے آزاد نہیں چھوڑا جائے گا
پاکستان امن پسند ملک ہے، لیکن دفاعی عزم مضبوط فیلڈ مارشل سید عاصم منیر نے کہا’’پاکستان امن کا خواہاں ہے، لیکن امن کی خواہش کو کمزوری نہ سمجھا جائے۔ ہر جارحانہ قدم کا بھرپور جواب دیا جائے گا۔’’انہوں نے زور دیا کہ پاکستان کا نظریہ اور ملک کا تصور ناقابل تسخیر ہے اور اس کی حفاظت ایمان، جذبے اور قومی یکجہتی کے ساتھ کی جا رہی ہے۔
تینوں مسلح افواج کی مضبوط قیادت خطاب میں یہ بھی واضح کیا گیا کہ تینوں افواج کی اعلیٰ قیادت متحد ہے اور مشترکہ حکمت عملی کے تحت ملکی دفاع کو مزید مضبوط بنایا جائے گا۔