آئین پاکستان ہر شہری کے پاس ہونا چاہیے ، شازیہ مری

پی پی پی کی رہنما شازیہ مری کا کہنا ہے کہ آئین پاکستان کی کتاب ہر شہری کے پاس ہونی چاہیے ۔سابق وفاقی وزیر شازیہ مری نے کراچی میں تقریب سے خطاب کرتے ہوئے کہا کہ پارلیمنٹ جمہوریت کا بنیادی ستون ہے۔ان کا کہنا ہے کہ آئین پاکستان کی کتاب ہر شہری کے پاس ہونی چاہیے ، ہمیں اپنے حقوق کے بارے میں معلومات بھی ہونی چاہیئں ۔انہوں نے کہا کہ کوشش کروں گی کہ جو بات آج یہاں ہو وہ ہر پارلیمنٹرین تک پہنچا سکوں ۔