شمالی کوریا کا جوہری حملہ کم جونگ ان کی اپنی حکومت کا خاتمہ ہوگا، بائیڈن

امریکی صدر کا کہنا ہے کہ امریکا یا اس کے اتحادیوں پر شمالی کوریا کے جوہری حملے کا نتیجہ کم جونگ ان کی اپنی حکومت کا خاتمہ ہوگا۔واشنگٹن میں جنوبی کورین صدر یون سک یول کیساتھ مشترکہ پریس کانفرنس میں بائیڈن کا کہنا تھا کہ امریکا اس کے اتحادیوں یا شراکت داروں پرشمالی کوریا کا جوہری حملہ ناقابل قبول ہوگا۔انہوں نے کہا کہ شمالی کوریا کے سربراہ کم جونگ نے جوہری حملہ کیا تو ان کی اپنی حکومت ختم ہوجائیگی۔اس موقع پر جنوبی کورین صدر کا کہنا تھا کہ شمالی کوریا کیساتھ امن طاقت کے ذریعے آئیگا۔جنوبی کوریا کے صدر نے مزید کہا کہ صدر بائیڈن کیساتھ اس بات پر اتفاق ہوا ہے کہ خیر سگالی کی بنیاد پر گمراہ کن امن کے بجائے طاقت کی برتری سے ہی امن حاصل ہوگا۔