عمران خان کی ممکن گرفتاری، پولیس اور پی ٹی آئی کارکنوں میں جھڑپیں جاری

لاہور: پی ٹی آئی اور پولیس ورینجرز کے درمیان کشیدگی برقرار ہے۔ عمران خان کی گرفتاری کے معالے پر پی ٹی آئی او رپولیس آمنے سامنے ہیں۔ کارکنوں اور پولیس اہلکاروں میں تصادم ہوا۔ جھڑپوں میں درجنوں پولیس اہلکار اور پی ٹی آئی کارکن زخمی ہوگئے۔پولیس نے مظاہرین پر شیلنگ کی، پولیس آپریشن کو اٹھارہ گھنٹے گذر چکے ہیں۔ تین اضلاع کی پولیس آپریشن میں حصہ لے رہی ہے۔ رینجرز کے دستے بھی مال رو ڈ پر موجود ہیں۔ زمان پارک اور قریبی علاقے میں موبائل اور انٹرنیٹ سروس بند کردی گئی ہے۔ ما ل روڈ کے اطراف واقع تعلیمی اداروں کو بند کردیا گیا ہے جبکہ ہسپتالوں میں ایمرجنسی نافذ کردی گئی ہے۔ پولیس نے پی ٹی آئی چیئرمین عمران خان کی گرفتار ی کیلئے گذشتہ روز آپریشن شروع کیاتھا جس کے بعد پی ٹی آئی کے کارکن ملک گیر احتجاج کررہے ہیں