پولیس کا بشریٰ بی بی کی آڈیوز کا فرانزک کرانے کا فیصلہ

توشہ خانہ کی گھڑی کی جعلی رسیدں بنانے کے معاملے میں پولیس نے بشریٰ بی بی کی آڈیوز کا فرانزک کرانے کا فیصلہ کیا ہے ۔اس معاملے پر بشریٰ بی بی سے 2 آڈیو لیکس سے متعلق سوالات کئے گئے ہیں جن کا انکار کرتے ہوئے انہوں نے کہاہے کہ آڈیوز میں آواز میری نہیں ہے ۔بشریٰ بی بی کے انکار کے بعد پولیس ٹیم نے آڈیوز سنوائیں جس کے بعد انہوں نے آڈیوز کو فیک قرار دیدیا ۔دونوں آڈیوز کی فرانزک رپورٹ کو کیس ریکارڈ کا حصہ بنایا جائیگا ، پولیس کی تفتیشی ٹیم نے 25 سوال تیار کیے اور 23 سوال بشریٰ بی بی سے پوچھے جن میں زیادہ تر سوالات توشہ خانہ کے تحائف سے متعلق تھے ۔