وفاقی حکومت کا پیٹرولیم مصنوعات کی قیمتیں برقرار رکھنے کا فیصلہ

وفاقی حکومت کا پیٹرول اور ڈیزل کی قیمتیں برقرار رکھنے کا فیصلہ کیا ہے ۔وزارت خزانہ نے پیٹرول اور ڈیزل کی قیمتیں برقرار رکھنے کا نوٹیفکیشن جاری کردیا۔نوٹیفکیشن کے مطابق پیٹرول کی قیمت 283 روپے 38 پیسے فی لیٹر اور ہائی اسپیڈ ڈیزل کی قیمت 303 روپے اٹھارہ پیسے فی لیٹر برقرار ہے ۔نوٹیفکیشن کے مطابق مٹی کے تیل کی قیمت میں تین روپے 82 پیسے فی لیٹر کمی کی گئی ہے ، نئی قیمت 211 روپے تین پیسے فی لیٹر مقرر کی گئی ہے ۔لائٹ ڈیزل آئل کی قیمت میں تین روپے چالیس پیسے فی لیٹر کمی کے بعد نئی قیمت 189 روپے 46 پیسے فی لیٹر ہوگئی ۔