طالبان کے فیصلوں کے باعث افغان ٹیم کیخلاف سیریز سے دستبردار ہوئے،نک ہوکلے

کرکٹ آسٹریلیا کے چیف ایگزیکٹیو نک ہوکلے نے کہا ہے کہ طالبان کے نومبر اور دسمبر کے فیصلوں نے خواتین کے بنیادی انسانی حقوق میں فرق ڈالنے کے اشارے دیئے۔نک ہوکلے نے افغانستان کے خلاف کرکٹ سیریز سے دستبرداری کے معاملے میں بیان دیتے ہوئے کہا ہے کہ بنیادی انسانی حقوق میں فرق کی وجہ سے ہمیں دستبرداری کا فیصلہ کرنا پڑا۔انہوں نے کہا کہ افغانستان کیخلاف ون ڈے سیریز سے دستبرداری کے فیصلے کو ہمنے ہلکا نہیں لیا،حکومت سے تفصیلی مشاورت کی۔کرکٹ آسٹریلیا کے چیف ایگزیکٹو کاکہنا ہے کہ یہ بڑی چیلنجنگ اور افسوسناک صورتحال ہے۔نک ہوکلے نے کہاکہ ہم سیریز کھیلنے کے لئے پر امید تھے اور افغان کرکٹ بورڈ سے رابطے میں تھے۔واضح رہے کہ افغانستان کرکٹ بورڈ کرکٹ آسٹریلیا کے فیصلے کی مذمت کی تھی اور کرکٹر نوین الحق نے احتجاجاً بگ بیش لیگ چھوڑنے کااعلان کیا تھا۔