جنوبی افریقہ کے کھلاڑیوں کو بھارتی شہر کا نام لینے میں مشکل

آئی سی سی کرکٹ ورلڈ کپ کھیلنے کیلئے آنیوالے جنوبی آفریقہ کے کھلاڑیوں کو بھارت کے شہر کا نام لینے میں مشکل کا سامنا کرنا پڑا ۔جنوبی افریقہ کے کرکٹر ز بھارت کے شہر تھیرووننتھا پورم کانام بمشکل ہی لے پائے۔کرکٹ ورلڈ کپ کیلئے جنوبی افریقہ کے کھلاڑی ان دنوں کیرالہ کے شہر تھیرووننتھا پورم میں موجود ہیں ۔بیشتر کھلاڑی کیرالہ کے شہر تھیرووننتھاپورم کانام نہ پکار سکے اور کئی نے مضحکہ خیز انداز میں نام لیا۔کیشو مہاراج ، کگیسو اور لنگی نگیدی درست انداز میں نام لینے میں کامیاب ہوئے جبکہ اینرخ کلاسن کئی بار کی کوشش میں بھی نام نہ پکار سکے ۔