بلاتعطل بلڈ پریشر کی پیمائش کرنے والی پٹی

اسلام آباد:سائنس دانوں نے ڈاک ٹکٹ کے برابر ایسی پٹی بنائی ہے جس کو لگا کر بلا تعطل بلڈ پریشر کی پیمائش کی جا سکتی ،یونیورسٹی آف کیلیفورنیا سان ڈیاگو کے محققین(جنہوں نے یہ پٹی بنائی)نے جرنل نیچر بائیو میڈیکل انجینئرنگ میں بتایا کہ 100 سے زائد مریضوں پر کی جانے والی آزمائش میں اس نے اچھا کام کیا ہے۔
بلڈ پریشر کو نارمل یعنی 80/120) رکھنا قلبی مرض اور فالج سے لے کر گردوں کے مسائل، ڈیمینشیا اور بینائی کے ختم ہوجانے جیسی متعدد بیماریوں سے بچانے میں مدد دیتا ہے۔ لہذا بلند فشار خون میں مبتلا افراد ایک کف اینڈ میٹر ڈیوائس استعمال کرتے ہیں تاکہ بلڈ پریشر کی پیمائش کر سکیں۔تحقیق کے شریک مصنف سائی ژو کا کہنا تھا کہ کف کے ذریعے روایتی بلڈ پریشر کی پیمائشیں اہم پیٹرنز کو مس کر سکتے ہیں۔ لیکن یہ پٹی بلڈ پریشر کا لہروں کی شکل میں ڈیٹا مسلسل فراہم کرتی ہے، جس سے بلڈ پریشر کے اتار چڑھا کے تفصیلی رجحان کا پتہ چلتا ہے۔یہ نرم اور لچک دار پٹی جلد سے چپک جاتی ہے اور اس کو بازو پر لگایا جا سکتا ہے۔