ملک بھر میں آئندہ ہفتے کے دوران مزید بارشوں کی پیشگوئی کی گئی ہے، محکمہ موسمیات کے مطابق 10 سے 13 اگست کے درمیان مزید ابر رحمت برسنے کا امکان ہے۔
ذرائع محکمہ موسمیات نے بتایا ہے کہ دارالحکومت اسلام آباد، پنجاب، خیبرپختونخوا، بلوچستان اور آزاد کشمیر، میں بارشوں کا امکان ہے، اس کے علاوہ سندھ اور گلگت بلتستان کے کئی علاقوں میں بھی برسات ہو گی۔
محمکہ موسمیات نے خبردار کیا ہے کہ بارشوں کے باعث جڑواں شہروں اسلام آباد و راولپنڈی میں نشیبی علاقے زیرآب آنے کا خدشہ ہے۔
موسمیاتی ذرائع نے متنبہ کیا ہے کہ نوشہرہ، مردان اور فیصل آباد میں بھی نشیبی علاقے زیرآب آ سکتے ہیں، نیز بارشوں سے ندی نالوں میں طغیانی کا بھی خدشہ ہے۔