اداروں کیخلاف زہر اگلنے والی پی ڈی ایم ہمیں حب الوطنی کا درس دیتی ہے ، مراد سعید

پی ٹی آئی رہنما مراد سعید کا کہنا ہے کہ پی ڈی ایم نے پہلے پاکستان اور پاکستانی اداروں کے بارے میں زہر اگلا اب یہ سارے ہمیں حب الوطنی کا درس دیتے ہیں ،جب دہشتگردی کی جنگ شرو ع ہوئی تب میری عمر 18 سال تھی ہم بے گھر ہوئے والدہ زندہ لاش بن گئیں ۔مراد سعید نے کہا کہ جو نیشنل کرکٹ ٹیم کا حصہ بننے کے خواب دیکھتا تھا اس کا مستقبل تاریک ہوگیا ، پردہ دار بہنوں کو راشن کیلئے لائنوں میں لگتے دیکھا۔انہوں نے مزید کہا کہ پردیس میں والد روتے تھے کہ جس گھر کو بنایا وہ مٹی کا ڈھیر بن گیا ہماری زبانوں پر شکوہ تک نہیں آیا، کبھی پاکستان کا برا نہیں چاہا۔پی ٹی آئی رہنما مراد سعید نے یہ بھی کہا ہے کہ ہم نے ٹکڑے سمیٹے اور اپنے شہروں کی تعمیر میں لگے گئے ، آج ہم پر دہشتگردی اور غداری کے فتوے لگاتے ہیں ، یہ لوگ کون ہیں؟