سابق قومی کرکٹ ٹیم کے کپتان اور پاکستان ٹیسٹ ٹیم کے کوچ سرفراز احمد کے بہنوئی عامر وحید صدیقی انتقال کر گئے۔
خاندانی ذرائع کے مطابق عامر وحید صدیقی کا انتقال عمان میں ہوا، جہاں نمازِ جنازہ کی ادائیگی کے بعد انہیں سپردِ خاک کر دیا گیا۔
مرحوم عامر وحید صدیقی کراچی ریجن کرکٹ سے وابستہ معروف شخصیت ضیاء صدیقی کے چھوٹے بھائی تھے۔ ان کے انتقال پر کرکٹ اور کھیلوں سے وابستہ حلقوں میں افسوس کی لہر دوڑ گئی ہے۔
سرفراز احمد سمیت اہلِ خانہ، عزیز و اقارب اور کرکٹ سے وابستہ شخصیات نے عامر وحید صدیقی کے انتقال پر گہرے دکھ اور افسوس کا اظہار کرتے ہوئے مرحوم کے لیے مغفرت اور لواحقین کے لیے صبرِ جمیل کی دعا کی ہے۔