اوگرا نے درآمدی آر ایل این جی کی قیمتوں میں اضافہ کرتے ہوئے نیا نوٹیفکیشن جاری کردیا۔
اوگرا کے مطابق قیمتوں میں اضافہ پاکستان اسٹیٹ آئل (پی ایس او) کے تین اور پاکستان ایل این جی لمیٹڈ (پی ایل ایل) کے ایک درآمدی کارگو کی بنیاد پر کیا گیا ہے، جبکہ نئی قیمتوں کا اطلاق یکم جون سے ہوگا۔
نوٹیفکیشن کے مطابق سوئی ناردرن گیس صارفین کے لیے آر ایل این جی کی قیمت میں 14.94 فیصد اضافہ کیا گیا ہے، جس کے بعد نئی قیمت 19.52 ڈالر فی ایم بی ٹی یو مقرر کردی گئی ہے۔ مئی میں یہ قیمت 16.98 ڈالر فی ایم بی ٹی یو تھی۔
اسی طرح سوئی سدرن گیس صارفین کے لیے آر ایل این جی کی قیمت میں 16.17 فیصد اضافہ کیا گیا ہے۔ جون کے لیے نئی قیمت 18.63 ڈالر فی ایم بی ٹی یو مقرر کی گئی ہے، جبکہ مئی میں یہ 16.04 ڈالر فی ایم بی ٹی یو تھی۔
اوگرا کا کہنا ہے کہ درآمدی آر ایل این جی کی نئی قیمتوں کا اطلاق یکم جون سے مؤثر ہوگا۔
Leave feedback about this