امریکی صدر ڈونلڈ ٹرمپ نے ایران کے ساتھ مذاکرات کے لیے اپنی نمائندہ ٹیم کے کل اسلام آباد پہنچنے کی تصدیق کرتے ہوئے خبردار کیا ہے کہ اگر پیش کی گئی ڈیل قبول نہ کی گئی تو امریکہ ایران کے بجلی گھروں اور پلوں کو نشانہ بنا سکتا ہے اور سخت کارروائی سے گریز نہیں کرے گا۔
امریکی صدر نے گزشتہ روز ایران کی جانب سے سیز فائر کی خلاف ورزی کا الزام بھی لگایا، ایران کی جانب سے آبنائے ہرمز بند کرنے کے اعلان کو غیر معمولی قرار دیتے ہوئے کہا کہ امریکی ناکہ بندی پہلے ہی اسے بند کر چکی ہے۔
ٹرمپ کے مطابق اس صورتحال میں ایران کو روزانہ بھاری مالی نقصان ہو رہا ہے ، امریکہ کو کوئی نقصان نہیں ہو رہا ہے،صدر ٹرمپ نے کہا کہ وہ جو کررہے ہیں وہ ان کیلئے اعزاز ہے ۔
امریکی صدر نے بتایا کہ وہ کام کررہے ہیں جو گزشتہ 47سال میں کسی امریکی صدر نے نہیں کیا، اب وقت آگیا ہے کہ ایران کی قاتلانہ مشنری کو ختم کردیا جائے ۔