ایران نے ترکیہ کو گیس کی سپلائی معطل کر دی، پارس گیس فیلڈ پر اسرائیلی حملے کے بعد سپلائی معطل کی گئی۔
بلوم برگ کے مطابق ترکیہ اپنی گیس کی ضروریات کا 14 فیصد ایران سے حاصل کرتا ہے، ترکیہ کا روس اور آذربائیجان سے اضافی گیس لینے کا امکان ہے۔
رپورٹ کے مطابق ایران سے گیس فراہمی بحال ہونے کا وقت واضح نہیں ہو سکا۔
دوسری جانب فلپائن نے ایندھن کی فراہمی کے خطرات پر نیشنل ایمرجنسی نافذ کر دی، صدر مارکوس کا کہنا ہے کہ مشرقِ وسطیٰ جنگ سے ایندھن کی دستیابی پر اثرات پڑ رہے ہیں۔
فلپائن میں ایندھن کے ذخائر اور بجلی کی فراہمی یقینی بنانے کیلئے ہنگامی حالت نافذ کردی گئی ہے۔
علاوہ ازیں بنگلا دیش میں جیٹ فیول کی قیمت میں 79 فیصد اضافہ کردیا گیا ہے،الجزیرہ کے مطابق مارچ میں دوسری بار جیٹ فیول کی قیمت بڑھائی گئی ہے۔