اسلام آباد: سپریم کورٹ نے پی ٹی آئی کے وکلا کی عمران خان سے فوری ملاقات کی درخواست مسترد کردی۔
سپریم کورٹ میں پی ٹی آئی کے وکیل رہنما لطیف کھوسہ نے عمران خان سے ملاقات کی درخواست کی تاہم اس موقع پر چیف جسٹس یحییٰ آفریدی نے کہا کہ ہم بغیر نوٹس کے ایسا حکم جاری نہیں کر سکتے۔
چیف جسٹس نے ریمارکس دیے کہ درخواست کے قابلِ سماعت ہونے پر اعتراضات کی رکاوٹ کو اب عبور کرنا ہوگا، یاد رکھیں آپ کے مقدمات دوسری عدالتوں میں زیر التوا ہیں۔
جسٹس یحییٰ آفریدی نے کہا کہ نوٹس جاری کیے بغیر اجلاس سے متعلق کوئی حکم جاری نہیں کیا جا سکتا۔
علاوہ ازیں سپریم کورٹ نے القادر ٹرسٹ میں عمران خان کی درخواست ضمانت کو غیر موثر قرار دیتے ہوئے خارج کر دیا۔