کینسر کیخلاف جنگ لڑنے والی بھارتی اداکارہ کا مداحوں کیلئے خصوصی پیغام

ممبئی: بالی ووڈ اداکارہ حنا خان کینسر جیسے موذی مرض کے خلاف زندگی اور موت کی جنگ لڑ رہی ہیں۔رپورٹ کے مطابق ادکارہ میں گزشتہ برس بریسٹ کینسر کی تشخیص ہوئی تھی اور تب سے وہ کم کم ہی میڈیا پر آتی ہیں، حال ہی میں اداکارہ نے اپنی بیماری اور اس کے علاج سے متعلق مداحوں سے کچھ اہم معلومات شیئر کی ہیں۔ رپورٹ میں بتایا گیا ہے کہ حنا خان نے بتایا کہ کینسر کے علاج کے سلسلے میں کیموتھراپی اور پھر اس کے بعد سرجری کا عمل مکمل ہوچکا ہے، اداکارہ نے مزید بتایا کہ اب میں امیونوتھراپی لے رہی ہوں اور اب سب کچھ ٹھیک چل رہا ہے، آپ لوگوں نے ہمت بندھائی اور حوصلہ دیا جس کا شکریہ۔
بھارتی اداکارہ سماجی رابطے کی ویب سائٹس وقتا فوقتا کینسر کے علاج کے دوران اپنے تجربات اور آگاہی پر مواد بھی شیئر کرتی رہی ہیں، حنا خان کی یہ گفتگو ایوارڈ شو میں ایک خاتون فوٹوگرافر نے ریکارڈ کی تھی اور اپنے انسٹاگرام اکاونٹ پر شیئر کی ہے۔جس پر سوشل میڈیا صارفین نے اداکارہ حنا خان کے لیے نیک تمناوں کا اظہار کیا اور اپنی صحت پر توجہ دینے کی اپیل کی۔